Djöfulsins snillingar á visir.is!

Banna blót á BBC

Samkvæmt könnun sem ríkissjónvarp Bretlands, BBC, lét gera nýlega kom í ljós að mikill meirihluti áhorfenda og hlustenda BBC eru hneykslaðir á blóti í sjónvarpi sem og útvarpi.

Ástæðan fyrir könnuninni er þáttur bresku grínistanna Russels og Ross Brands. Þeir hringdu í leikara á BBC og gerðu grín í honum sem þótti heldur ósmekklegt. Úr varð að Brand var rekinn en Russel sendur í frí.

Í kjölfarið bárust 40 þúsund kvartanir til BBC sem var til þess að viðhorf áhorfenda og hlustanda frá ellefu ára aldri og upp úr voru könnuð.

Og viðbrögðin létu ekki á sér standa. Almenningur vill ekkert blót á meðan það horfir á sjónvarpið með fjölskyldunni. Yfirleitt hefur sú reglar til staðar að blót og efni sem þykir kynferðislegt sé sýnt eftir klukkan níu.

Því skoðar yfirstjórn BBC hvort skemmtiefni þeirra verði blótfrítt. Sé einhvert blót þá skuli vara við því. Þá er hugsanlegt að blót verði bípað út.

 

Það er verið að tala um Russel Brand (sem var víst bæði rekinn og sendur í frí) og Jonathan Ross sem virðist þá hafa sloppið alveg?

Stephen Merchant hættir með besta útvarpsþátt heims á sunnudaginn!

 

Hræðilegar fréttir fyrir útvarps nörd eins og mig.... það fyrsta sem ég geri á mánudagsmorgnum er að henda mér á BBC 6  Latest show og skemmta mér í 2 klukkutíma, það verður erfiðara að mæta til vinnu á mánudögum get ég sagt ykkur.

Ég mæli eindregið með því að fólk leggi leið sína á 6 Music og náið 2 síðustu þáttunum sem verða í boða, þáttinn sem var í gær og svo næsta sunnudag.

http://www.bbc.co.uk/6music/shows/stephen_merchant/

Vonandi er þetta eitthvað grín hjá þeim....

Er það þessi fréttamenska sem kom ritsjóra visir.is í starf æðsta fréttastjóra 365?

JR úr Dallas leðurklæddur - myndir

Larry Hagman.

Larry Hagman, sem lék illmennið JR í sápuóperunni Dallas, skemmti sér stálsleginn klæddur í leðurbuxur ásamt eiginkonu sinni, Maj Exelsson, á stærstu bjórhátíð heims, Oktoberfest, sem haldin er um þessar mundir í Munchen í Þýskalandi.

Larry, sem er 77 ára gamall, hefur átt við veikindi að stríða undanfarin ár eftir að hann gekkst undir nýrnaígræðslu árið 1995. Fyrir tveimur árum hneig leikarinn niður og var  í kjölfarið fluttur á sjúkrahús.

Svitakirtlar Tom Cruise skyggja á eiginkonuna - myndir

Tom Cruise og Katie Holmes.

Leikarahjónin Tom Cruise og Katie Holmes voru innileg hvort við annað stuttu fyrir frumsýningu á verkinu „All My Sons" sem sýnt er á fjölum Gerald Schoenfled leikhússins á Broadway.

Fjölmiðlar virðast sýna svitakirtlum Tom töluvert meiri athygli en leiklistarferli Katie sem fer með eitt aðalhlutverkið í sýningunni.

Bakspik Jennifer Lopez áhyggjuefni - myndir

Jennifer Lopez..

Fjölmiðlar beggja vegna Atlantshafsins hafa áhyggjur af vaxtarlagi 39 ára Jennifer Lopez sem eignaðist tvíburana Max og Emme 22. febrúar síðastliðinn.

Eins og sést á meðfylgjandi myndum, sem teknar voru af Jennifer, þegar hún kom fram á tónleikum á Ólympíuleikvanginum í Aþenu í Grikklandi, er hún með bakspik.

Meðfylgjandi myndir eru teknar á umræddum tónleikum og þar sem söngkonan stillir sér upp í myndatöku.

 

Sylvester Stallone öfundsjúkur út í Arnold - myndir

Sylvester Stallone og Arnold Schwarzenegger.

Eins og myndirnar sýna er kært á milli Arnold Schwarzenegger, ríkisstjóra Kaliforníu, og hasarhetjunnar Sylvester Stallone.

Félagarnir eiga það sameiginlegt að safna hraðskreiðum og dýrum bílum.

Sylvester hefur viðurkennt opinberlega að hann öfundar Arnold vin sinn fyrir starfstitilinn og viljann til að sigra.

Vandræðaleg geirvarta Mischu Barton - myndir

Mischa Barton.

Leikkonan Mischa Barton var mynduð þegar hún yfirgaf tískusýningu í Lundúnum á sama tíma og geirvarta hennar blasti við nærstöddum.

Mischa fékk töluverða umfjöllun og athygli í kjölfarið í fjölmiðlum beggja vegna Atlantshafsins.

 

Burtséð frá geirvörtu fyrrum OC stjörnunnar hefur hún átt í viðræðum við framleiðendur framhaldsþáttanna Aðþrengdar eiginkonur eða Desperate Housewifes um að fá hlutverk í næstu þáttaseríu en ekkert varð úr því.

Madonna dettur á tónleikum - myndband

Madonna.

Meðfylgjandi myndband er tekið af Madonnu á tónleikum í Lissabon. Ef horft er á myndbandið til enda sést þegar Madonna dettur kylliflöt á sviði.

Madonna mun koma fram á 16 tónleikum í Evrópu áður en hún færir sig yfir til Norður- og Suður-Ameríku.

Sjá myndbandið þegar söngkonan dettur hér.

 

Kate Moss í annarlegu ástandi - myndir

Kate Moss.

Eins og meðfylgjandi myndir sýna var fyrirsætan Kate Moss í annarlegu ástandi þegar hún yfirgaf samkvæmi sem haldið var í kjölfar tískusýningu fatahönnuðarins Vivienne Westwood í Lundúnum.

Allegra, 20 ára gömul dóttir fatahönnuðarins Donatellu Versace, aðstoðaði Kate sem átti erfitt með gang sökum ofdrykkju í leigubíl áður en þær yfirgáfu gleðiskapinn.

Pamela stelur senunni í flegnum kjól - myndir

Pamela Anderson.

Eins og myndirnar sýna fékk Pamela Anderson óskipta athygli á tískusýningu breska fatahönnuðarins Vivienne Westwood á tískuviku í Lundúnum.

 

 

Pamela og Vivienne Westwood.

Á milli þess sem Pamela drakk kampavín og fylgdist með sýningunni frá fremsta bekk ásamt grímuklæddum karlmanni stillti hún sér upp fyrir ljósmyndarana sem fylgdu henni hvert fótmál.

Þetta fann ég bara á 2-3 mínútum áðan, allt saman í lífinu í dag.....

Svo er líka gaman að segja frá því að þetta eru flestar mest lesnu fréttirnar þar í dag......

Til lukku með nýja starfið Óskar Hrafn, vonandi fáum við þá þessar fréttir lesnar af Sigmundi Erni og Eddu með lifandi myndum í næstu fréttatímum.

Merkilega þessar fréttir á visir.is

Þið munið fréttina um Guðjón Bergmann, hann er ekki að fara að flytja úr landi!

Er hægt að toppa það???

uuuu JÁ (Jón Gnarr stæl)

Ásdís Rán hitti Steve úr Beverly Hills 90210 - Myndir

Þeir voru ekki af verri endanum gestirnir í partýinu sem Ásdís Rán fór í í Playboy setrinu á dögunum. Tilviðbótar við tvær kærustur Hughs Hefners og fjölda Playboy stúlkna mátti sjá glitta í fræg andlit.

Meðal þeirra sem Ásdís rakst á var leikarinn Ian Zearing, sem margir muna eftir sem Steve úr Beverly Hills 90210. „Ég hitti hann bara á spjalli, þetta var mjög fyndið því maður hefur ekki séð hann frá því í þáttunum," segir Ásdís, sem fannst Ian afar viðkunnalegur. Hún var þó öllu spenntari fyrir öðrum gesti, uppáhalds leikaranum sínum, Jason Statham. Ekki fékk hún þó að taka mynd af honum, en Ásdís segir marga afar viðkvæma fyrir að láta mynda sig. Enda gróusögurnar fljótar að fara af stað ef að slúðurblöðin ná í myndir af Hollywood-stjörnum með myndarlegu kvenfólki.

Klæðaburður í þessum samkvæmum er nokkuð sérstakur. Konur mæta í náttkjólum eða nærfötum og karlmenn í náttfötum eða silkisloppum. Ásdís hafði fyrirfram heyrt sögur af því að þessi partý gætu orðið nokkuð svæsin, en hún segir það þó ekki hafa verið tilfellið þarna. „Það var enginn dónaskapur í gangi," segir Ásdís, sem segir partýið hafa verið nokkuð settlegt. „Nema það að það var troðfullt húsið af hálfnöktu kvenfólki. Það er kannski ekki mjög eðlilegt," segir Ásdís hlæjandi.

Segið svo að visir sé ekki alvöru fréttamiðill!

Ég sendi þessa tilkynningu á visi.is, spurning hvort þessu verður hent á vefinn?

Í gær, 5. maí spurðist það út að ég, Doddi litli, hafi hugsað mér að taka tjútt.
því miður er það ekki rétt, í  fyrsta lagi verð ég ekki í bænum um helgina og í annan stað þá er bara brjálað að gera.
Ég kem til með að plötusnúða fyrir Merzedez Klúbbinn í Sjallanum Akureyri á laugardeginum og jafnvel á Selfossi á sunnudeginum.
Ég hef komið víða við á ferli mínum og næsta hálfa árið mun ég litast um eftir tækifærum og einbeita mér að því að finna yfirgripsmikilli reynslu minni jákvæðan og uppbyggilegan farveg.
Ég vil þakka visi.is kærlega fyrir að koma þessu á framfæri.

 Virðingarfyllst.
Doddi litli Doddason

 

 

http://visir.is/article/20080506/LIFID01/204054930

Litla Hafmeyjan?

Eitthvað hefur verið rætt um mögulegan útvarpsþátt okkar Andra Freys á Rás 2.

Mig langar bara að benda á að allt er á frumstigi, við höfum ekkert rætt við dagskrástjóra Rásarinnar um launamál eða hvernig þetta mun gerast tæknilega.

Andri jú sendi út frá Danmörku í fyrra og var ég með honum í einhverjar 3 vikur og var það bara ansi fínt.

En það er ansi grunnt á gæðunum, hann átti það til að detta út, heyra ekkert í mér eða heyra ekkert í símanum og sá sem var í símanum heyrði ekkert í honum.

En stóri munurinn er sá að í fyrra vorum við á smá stöðinni Reykjavík FM þar sem engir peningar voru til að gera nokkurn skapaðan hlut, núna erum við að tala um Rás 2, ef ég man rétt þá eru um 60 tæknimenn á launum þar svo einhver ætti að leysa þessa þraut.

Ég mun að sjálfsögðu koma því áleiðis ef samningar nást en það er engin ástæða til að vera með safaríka yfirlýsingar ef ekkert svo gerist, hoppa byssuna.