Er Prince Roger Nelson besti tónlistarmaður allra tíma?

Fæddur June 7, 1958, í  Minneapolis, Minnesota

Ég komst yfir tónleika upptöku með Prince um daginn og þegar ég horfði á þetta missti ég hökuna í gólfið (sem betur fer þá dró hökutoppurinn aðeins úr fallinu en ég þurfti samt plástur).

Þessi maður er Hr. Showmaður númer 1.

Þessir tónleikar voru teknir upp í New York 1985, hljóð og myndgæði hræðileg en það hætti að pirra mig strax á fyrsta lagi, Let´s go crazy.

Það má endalaust deila um hver er betri söngvari eða betra lagasmiður og þessháttar enda er það bara spurning um smekk.

En ef við skoðum meistara Prince þá hefur hann allt, endurtek ALLT sem þarf í góða listamann, mig langar að telja upp það sem hann hefur og eftir því sem ég tel lengur upp þá hverfa þeir sem mögulega gætu elt hann uppi.

Prince Roger Nelson er:

Einn af afkastamestu lagahöfundum sögunar, hann átti það til á tímabili að gefa út 5-6 bootlegs á móti einni plötu sem gefin var út af plötu útgáfunni, (sem tengdist nafnabreytingu hans til að losna frá útgáfunni).

Hann er eindæma góður lagahöfundur (þarna að vísu dettur inn smekkur manna)

Hann er með rosalegt raddsvið (getur rokkað upp um 14 áttundir ef ég ýki slatta)

Hann er vanmetnasti gítarleikari sögunnar (með allra bestu núlifandi gítarleikurum)

Hann spilar á 7000 hljóðfæri (þarna ýki ég aftur þar sem ég veit ekki nákvæmlega hvað þau eru mörg)

Hann er kolklikkaður og bullandi pervert (lykil atriði ef þú villt teljast snillingur)

Falsettan hans fær Jóns í Sigur-Rós til að skammast sín fyrir að nota falsettu.

Síðast en ekki síst þá er engin betri á sviði en hann! Stór orð en ég er nokk viss um að engin geti bent mér á betri sviðsmann en Prince.

Fyrir utan öll dans múvin hans þá hefur hann 1 mjög STÓRT atriði fram yfir alla aðra, dansinn, hoppin, hátalara samfarirnar hafa engin áhrif á söng eða gítarleik kappans!.

Á þessu tónleikum sem ég talaði um hér fyrir ofan var hann með súlu sem hann notaði til að dansa kynferðislega á og líka til að renna sér niður af annarri hæð sviðsins, og oftast þegar hann var að rúlla sér niður súluna var hann að syngja um leið, ekkert hik eða fib.

Flottast á þessum tónleikum var náttúrulega þegar hann var að hoppa yfir píanó og hitta á hæstu og erfiðustu nóturnar í leiðinni, sömuleis gat verið að taka 100 metra sprett með massa gítar solo í gangi í leiðinni.

Þetta gerir engin annar en Prince Roger Nelson.

Það má alveg koma fram að ég er engin svakalega Prince aðdándi,held ég eigi 2-3 plötur með kappanum.

En eftir að hafa séð kyndverginn á þessum tónleikum þá bara missti ég legvatnið og ég er ekki einu sinni ófrískur núna!!!!

Því miður get ég ekki set sönnunar bút með þessari færslu þar sem Prinsinn lét fjarlægja allt Prince dót af youtube en ef þið komist yfir tónleika myndband með þessum kappa, stökkvið á það og látið ekki úr augsýn fyrr en þið hafið horft og sannfærst!

Mæli með því að fólk rifji aðeins upp Prince fræðin og mæli ég með:

Purple Rain bæði myndin og platan

Graffiti Bridge myndin

Sign Of The Times Plöturnar

 Musicology Ótrúlega grooví lag sem kom út fyrir 4-5 árum

og plöturnar 2 sem komu honum semi aftur í sviðsljósið: 3121 ´06 og Planet Earth ´07.

Það er alveg sérstaklega leiðinlegt að segja frá því en Prince hélt 200 tónleika í Bretlandi í fyrra (nota ýkið aftur þar sem ég man ekki nákvæmlega hvað þeir voru margir, en þeir voru margir) sem sagt nánast í næsta húsi og maður huxaði: jú það væri gaman að kíkja..... svo leið árið og í á fullu að kíkja upp í rassgatið mér.

Prinsinn pakkaður og farinn og ég en bara í anus.....SJITT!

 

Er engin ný auglýsing að koma frá Stöð 2

Nú er Stöð 2 orðin stöðug með 2 þætti yfir 30 vinsælustu þætti landsins og áhorfið aldrei betra og áskrifendur aldrei verið fleiri samkvæmt þeirra auglýsingum í síðasta mánuði.

Nú hefur liðið allavega vika síðan ég sá svona fáránlega áróðurs herferð frá þeim og maður spyr sig: hafa þeir ekki samvisku til að ljúga að sér og öðrum lengur eða áskrifendum hefur fækkað svona mikið að þeir ná ekki að fixa kannanir sínar lengur?

Eða bara að ég sé alveg hættur að horfa á þetta....

Flagskipið venjulega er fréttastofan en það skip er að sökkva samkvæmt könnunum, rétt slefar inn á topp 30 og svo dægurmála þátturinn er í mílu fjarlægð frá þessum lista en þeir eru með lausnina!!!

Notum bara besta fjölmiðlamann landsins Þorfinn Ómarsson sem mest!

Það var virkilega erfitt að horfa á meistarann ræða um typpastækkara, leit út eins og 12 ára strákur að leika sér með fyrsta smokkinn sem hann fann, voða spenntur og flissandi af því þetta var svo forboðin ávöxtur í beinni á Stöð 2!

Staðan er náttúrulega vonlaus þegar Ísland í dag þarf að keppa við Kastljós, bara skoðið staffið sem Kastljós hefur og svo Ísl.

Þorfinnur- Helgi Sellout

Sæti gaurinn-Simmi san

Svanhildur - Ragnhildur .... ok það skilur ekki mikið að hér...

Steingrímur Sævarr - Þórhallur... bara svona til að nefna einhverja

Afsakið útblásturinn ég var bara svo pirraður að horfa á Þorfinn og Ísl. í dag í gær, bara til að sjá sportið en ... nei nei þá er búið að færa sportið eitthvert annað (sem er væntanlega enn ein góð hugmyndin til að bæta áhorf, rokka með dagskráliði hingað og þangað í tíma)

og ég horfði á Þorfinn til einskins!!!! Einskins...

 

 

Bubbi lítill í sér þessa dagana

Askaplega finnst mér Bubbi vera hörundsár og með brotið Ego þessa dagana.

Hundskammaði Dóra DNA fyrir að voga sér að hafa ekki gaman af þessu þætti hans "Bubba Idolið"

Hann þurfti að benda Sigga Lauf á að Búbbi hefði sko alveg efni á því að vera með hröka þar sem hann er náttúrulega frábær en Siggi bara peð í þessum bransa!

Nú síðast vogar Biggi Maus sér að segja að Búbbi hafi ekki verið leiðandi afl tónlististar á Íslandi og gamli fer í svakalega vörn og drullar yfir falska ritstjórann.

Ég er að vísu ósammála Bigga, ég er nokkuð viss um að Bubbi hafi verið leiðandi afl og haft mikil áhrif á tónlistarsögu Íslendinga, ekkert endilega góð áhrif  en áhrif samt.

Gæti líka verið pirringur hjá Bubba að vera búinn að missa kóngs tignina, ég held að Páll Óskar sér kóngur og drottning Íslands í dag allavega hjá yngri kynslóðinni.

Palli er ekki merkilegasti plötusnúður landsins en að pakk fyllir alla staði sem hann spilar á syngur 3-4 lög og labbar flissandi í bankann. Hann er að rok selja plötuna sína og hann virðist vera með alla þjóðina á bak við sig, ég gruna að Júróbandið hafi unnið Júróvision bara vegna þess að Palli tengdi sig laginu.

Ég meina maður sem spilar Macarena þegar hann plötusnúðast og fólk fer í fíling er með krádið í vasanum!

 

Bubbi og Biggi í hár saman

Er tenging á milli hljómsveitarinnar Sign og Duran Duran?

Já en tengingin er kannski svolítið langsótt og ég fann ekki nógu gott myndefni til að staðfesta skoðun mína.

Þessar 3 myndir sem er hér uppi tengjast kannski David Bowie hvað mest.

Efst höfum við hljómsveitina Sign þar fyrir neðan hljómsveitina Japan(afsakið stærðarmuninn, kann ekkert á þetta enn) svo neðst höfum við Nick Rhodes úr Duran Duran.

Hljómsveitin Japan skartaði hinum magnaða David Sylvian sem var sakaður um að stæla pínu Bowie í sínu lúkki, svo kom hljómsveitin Duran Duran og stal bara Japan ímyndinni í heilu lagi, svo er það spurning með Ragnar Sólberg!

Ef þið skoðið myndbandið hér fyrir ofan og þá sérstaklega á 16 sekúndu þá sjáiði hvað ég er að tala um, David Sylvian alveg eins og Sólberg þegar þeir eru á sama aldri.

Ég er alveg viss um að þetta sé bara skemmtileg tilviljun þar sem tónlist Ragnaras á ekkert skilt við tónlist Japan en það má segja að það sé smá tenging milli Sign og  Duran í gegnum David Sylvian og Japan.

Góðar stundir

Það er víst til fín sveitaballahljómsveita musik lög! það þarf bara að fara úr lopa peysunni til að heyra það.

Ég var að spila geisla diska fyrir fólk í nótt og á heimleiðinni skellti ég Rás 2 á og þar var stór vinur minn Peter Andre að klára sitt frábæra lag Mistery girl eða eitthvað svoleiðis, ég var ansi sybbin svo ég nennti ekki að fara að leita af betri musik svo hann fékk að klára.

Næsta lag sem rásin bauð upp á var Írafár og lag þeirra, Allt Sem Ég Sé.

Ég skal viður kenna að þegar lagið kom út þá hafði ég gaman af því í laumi og meira að segja sagði Vigga frá því, það þótti ekki fínt að hafa gaman af Írafári....

En núna hva... 4 árum síðar heyri ég þetta lag og ég er yfir mig hrifin, útsetningin kannski full stór en lagið frábært og þarna á Birgitta heima, í kraftmiklu poppi með sína rámu en á köflum afskaplega flottu rödd.

Birgitta vertu frekar þarna en í að covera Scorpions!

Þetta fékk aðeins til að huxa um þessi svokölluðu sveitaballabönd, var eitthvað varið í þetta?

Það eru nokkur bönd hafa ekkert merkilegt á bakvið sig nema að vera voða hressir á balli og spila eitthvað sem allir geta sungið með, svo eru bönd sem eiga frábær lög.

Land og Synir gerðu lag fyrir c.a. 10 árum sem heitir Örmagna sem mér finnst bara drullu gott og meira að segja fékk ég að nauðga því lagi til  að gera óð til Selfoss og það sem meira er, höfundurinn söng meira að segja viðlagið fyrir mig aftur.

Því miður fann ég ekki myndbandið á youtube en ég fann afbökunina.En að mínu mati er lang sterkasta " sveitaballabandið"  fyrr og síðar SÓLDÖGG, það var pælingin kannski aðeins merkilegri en að finna lög sem allir gátu sungið á böllum, þar var smá metnaður!

Bandið skartaði flottasta fronti Íslensku poppsögunar (mitt mat, engan óþarfa æsing)

og frábærum drengjum í alla staði, það má geta þess að ég var nú í þónokkru samstarfi við þessi bönd vinnu minnar vegna á sínum tíma.

Ég náði meira að segja að vera svo frægur að stíga á stökk með Döggini og fremja Out Of Space- Prodigy með þeim á sviði, ótrúlega smekkleg útgáfa.

Svanasöngur Sóldaggar var Svört Sól og kom það út furir 4-5 árum og fann ég myndbandi á Tubinu, Beggi svalari sem aldrei fyrr.

Vil að endingu benda 80´s elskurum á sóló skífu Begga (Bergsveinn Arelíson) September kom út fyrir nokkrum árum og er afskaplega myndarleg rauðvínsplata, Dodd mæla með já.

Þetta er klárlega ástæða þess að fyrirtæki fái sér fjölmiðlafulltrúa

http://www.hutton-web-design.co.uk/tanker.html

Þetta er must see!!!!!

Júróbandið ekki fyrir unga fólkið!

Ég var að spila geisladiska fyrir krakkana í Víkurskóla Grafarhollti í gær, þar sem skólinn var með árshátíð.

Allt gott og blessað en það var gaman að skoða hvað krakkarnir hafa gaman af.

Þetta venjulega vinsældar popp var fínt að mati þeirra en þegar ég fór í Júróvisjón lögin Haffa Haff, Dr. Spock og M.C. Hey Hey Hey þá varð allt vitlaust og stemman upp úr öllu valdi, ég meira að segja laumaði gamla Guru Selfoss í kjölfar Hey Hey og það sprengdi alla skala....

Svo ætlar maður að rífa þakið af húsinu og spila framlag Íslendinga 2008, This Is My Life þá tæmdist nánast gólfið....merkilegt.

En ef fólk er enn að tala um Bubba Mont sem einhvern kóng á Íslandi þá fer það fólk með rangt mál, það er kominn nýr kóngur og hann hefur gaman af kóngum af öllum stærðum, PÁLL ÓSKAR!

Hann er ótrúlega vinsæll hjá krökkunum.

Lélegt útvarp í dag

Nú þegar maður tekur sér frí frá útvarpi eftir rúmlega 10 ára strögl og getur loxins hlustað af alvöru á aðrar stöðvar, heyrir maður að það er ekki merkilegt í dag.

Í dag er engin Tvíhöfði, Capone eða eitthvað sem var bæði afskaplega fyndið og einnig á köflum fræðandi.

Fyndið og fræðandi útvarpsefni er grátlega vanmetið.

Í dag virðist allt ganga út á að fá misvitra hlustendur tala um málefni þáttarins, skelfilega leiðinlegt!

Útvarpsstjórar þessa lands! Gerið eitthvað í málunum.

Svo var líka til  útvarpsþáttur sem var kannski stundum fyndinn en aldrei, endurtek ALDREI  fræðandi.

Þessi útvarpsþáttur hét Ding Dong! Það vill svo skemmtilega til að ég náði að bjarga örfáum atriðum úr þættinum á sínum tíma og var að huxa um að leifa  veraldarvefsvöfrurum að njóta á næstu vikum og mánuðum í litlum innspítingum.

Þessi brot sem eru í spilaranum hér til vinstri eru svokallaðir trailerar þar sem smá brot úr þætti dagsins eru klippt saman í mínútu bút og hann notaður til að kynna þáttinn.

Ég verð að benda ykkur sérstaklega á 1 atriði þar sem Pétur Jóhann Sigfússon (annar Ding Dong stjórinn) sofnar í beinni útsendingu þegar við vorum að senda út frá Vestmaneyjum fyrir einhverja verslunarmannahelgina, þar var mikið party á kvöldin og svo útvarpsþáttur á morgnana klukkan hálf 7 og auðvita verða menn hálf slappir.

Bara til að hafa það alveg á tæru, þá er þetta ekkert leikið eða neitt svoleiðis, hljómsveitin Smakk kom þarna í viðtal og þar sofnaði Pétur margoft einnig, það getur verið mjög erfitt að vera útvarpsmaður.

Velkominn í bloggheima Doddi minn

Þar sem ég á enga svona blogg vini þá vil ég bara bjóða mig velkominn í mína fyrstu bloggfærslu, takk fyrir.