Þessi er flottastur! Seth my man!

Seth krafinn um milljónir

seth sharp Bandaríski háskólinn Yale hefur höfðað mál gegn tónlistarmanninum Seth Sharp.fréttablaðið/heiða

Tónlistarmaðurinn Seth Sharp þarf að mæta fyrir dóm í næstu viku. Yale-háskólinn krefur hann um skólagjöld. Seth er ósáttur.

„Ég hefði haldið að Yale hefði eitthvað betra við tímann sinn að gera," segir tónlistarmaðurinn Seth Sharp. Hinn virti bandaríski háskóli Yale hefur höfðað mál gegn honum vegna vangoldinna skólagjalda.

Málið verður tekið fyrir í Héraðsdómi Reykjavíkur á mánudaginn. „Ég hef sungið í Hvíta húsinu og í Afríku fyrir bandaríska sendiráðið. Það er ótrúlegt að Yale skuli gera þetta einhverjum sem hefur verið svona góður sendiherra fyrir skólann. Mér finnst þetta ekki mikil kurteisi," segir Seth, sem tók þátt í X-Factor hér um árið.

Forsaga málsins er sú að þegar Seth stundaði nám við Yale var hann þar á skólastyrk. Tveimur árum eftir að náminu lauk krafðist skólinn þess aftur á móti að hann skyldi sjálfur borga skólagjöldin og þurfti hann að taka einkalán hjá skólanum fyrir þeim.

„Yale segir að ég hafi aldrei greitt krónu af láninu en samkvæmt þeirra eigin gögnum er það ekki rétt," útskýrir Seth. Bætir hann við að lánið hafi fyrnst síðan hann tók það og á hann því ekki að þurfa að greiða það upp samkvæmt bandarískum lögum. Því hafi Yale ákveðið að höfða málið hér á landi í von um að fá eitthvað fyrir sinn snúð.

Krefjast lögfræðingar skólans þriggja milljóna króna greiðslu en upphaflega lánið hljóðaði upp á fimm þúsund dollara, eða rúmar 600 þúsund krónur.

„Það er mjög dapurt hjá þeim að gera þetta," segir hann.

Ástæðan fyrir því að Seth var sjálfur látinn borga námsgjöldin er sú að þegar hann var við nám í Yale brann hús fjölskyldu hans í hræðilegum eldsvoða þar sem faðir hans lét lífið. Þar töpuðust mikilvæg gögn tengd skólagöngunni sem hann þurfti á að halda og í framhaldinu hafði Yale vald til að endurkalla námslánið.

„Þegar eldsvoðinn varð voru allir mjög skilningsríkir hjá skólanum en tveimur árum eftir að ég útskrifaðist þá segja þeir:

„Við leyfðum þér að útskrifast en núna skuldar þú okkur skólagjöld. Þú berð núna ábyrgð á því sem gerðist fyrir tveimur árum." Ég var mjög reiður að þeir skyldu gera svona lagað.

Mér finnst kjánalegt að þeir skuli höfða svona fáránlegt mál á Íslandi og reyni að gabba íslenska dómskerfið á þennan hátt." segir Seth.

Seth er vongóður um að vinna málið: „Síðar meir get ég sagt barnabörnunum að Seth hafi barist með kjafti og klóm við hina miklu stofnun Yale. Ef dæmt verður mér í hag verður þetta gott dæmi um að stór stofnun reyni að fara til annarra landa og spila þar eftir öðrum reglum en eru í gildi í heimalandi sínu." [e-mail]

Athugasemdir

[Ari feiti (IP-tala skráð) 6.5.2009 kl. 13:00]

Vissi ekki að gamli væri heitur f. ungum blökkumönnum. Eretta what what in the butt gaurinn?

[Þórður Helgi Þórðarson, 6.5.2009 kl. 14:49]

Er venjulega ekki swagg fyrir ungum blökkumönnum en What in the but kveikti kenndir hjá mér til þessa fallega manns!