Undanúrslitin í hljómsveitabattlinu á föstudagskvöldið, skylduhlustun!

Litla Hafmeyjan hefur verið að etja hljómsveitum saman í allt sumar þar sem keppt er í tónlist og hlustendur velja sigurvegara.

Nú er svo komið að aðeins 4 hljómsveitir eru eftir, og mætast þær á Rás 2 á föstudagskvöldið frá studio 12.

Allt verður á fullu gasi, stundið í samband, ekkert kassagítarvæl (nema böndin vilji það).

Klukkan 20:00 mætast Dikta og Agent Fresco en klukkan 20:30 eru það Land og Synir sem mæta Cliff Clavin.

Sigurvegararnir úr þessum viðureignum mætast síðan föstudaginn 4. september og verða þá krýndir heimsmeistarar í Hljómsveitabattli!

Reglurnar á morgun verða: Hljómsveit skal taka eigið lag í 2 mínútur svo skal sveitin taka lag með einhverri sveit sem hefur fallið úr keppni í sumar´í 2 mínútur og síðast en ekki síst þá skulu sveitirnar semja og flytja hressan og jákvæðan söng um haustið og skammdegið í .... 2 mins.

Það er síðan þjóðin sem velur hvorir standa sig betur í hverri keppni fyrir sig.

Hvet ég alla aðdáendur þessara sveita að vera klár við viðtækið og standa með sínum mönnum þegar kallið kemur, síminn er 5687-123