Þessir fræðingar!

Úlfhildur Dagsdóttir bók- menntafræðingur:„Mér fannst þetta þjást af einkennum sem eru óþarflega algeng í íslensku sjónvarpi og leikhúsi, þetta var svolítið stirðlegt. Ég hef lesið þessa bók og þekki vel til verka þessa höfundar, og það síðasta sem er hjá honum er svona stirðleiki og tyrfni. Sérstaklega er þessi bók létt og lifandi.“

Þetta bókmenntapakk má þá bara vera í því að lesa bækurnar í sinni tyrfni.

Ég hef ekki lesið bókina (enda ómenntaður aumingi, les ekki bækur en er duglegur að skoða myndirnar) en mér fannst sagan sérdeilis prýðileg og að fólk skuli vera að tala um að þessir þættir séu lýsandi dæmi um lélegan leik ... bahhh humbögg!

Flottir þættir, sérstaklega flottur leikur ef við berum þetta saman við aðra Íslenska þætti: Pressa, Allir litlir hafsins, Kalla kaffi, Fornbókabúðin eða hvað þetta heitir allt saman.

Skiptar skoðanir á Mannaveiðum

Athugasemdir

[Grisemor, 26.3.2008 kl. 09:16]

Já já auðvitað ef þú tekur allt þetta ótrúlega rusl sem þú nefnir og berð þetta saman við það þá er varla hægt annað en að fá út að þetta sé einhver snilld. Pressa og Allir litir...eru alger hörmung, Kalla Kaffi bara barnaþáttur og Fronbókadraslið fékk mann til að missa lífslöngunina.

Mannaveiðar er miklu ofar en þetta drasl og þar eru ágætir sprettir, en eins og Úlfhildur segir er þetta stirt og illa leikið á köflum og því miður fyrir þig þá er bókin miklu betri, allavega það sem af er.....

[Markús frá Djúpalæk, 26.3.2008 kl. 11:20]

Er þetta ekki bara smekksatriði, hvaða leikur telst stirður og hver ekki. Ég hef reynt að lesa eina bók eftir Viktor Arnar og gafst upp, þó ég hafi yndi af því að lesa bækur. Ég hafði gaman af Mannaveiðum.

[Markús frá Djúpalæk, 26.3.2008 kl. 12:30]

Mig minnir reyndar að fólk hafi líka bara almennt verið ánægt með Alli liti hafsins sem voru kaldir.