visir.is eru með allt á hreinu!

Sir Bobby Charlton segir að Ryan Giggs eigi skilið að slá met sitt yfir flesta leiki fyrir Manchester United. Giggs jafnaði met Charlton sem er 758 leikir þegar hann kom inn sem varamaður gegn Wigan í gær.

Giggs skoraði síðara mark United í 2-0 sigri sem tryggði United Englandsmeistaratitilinn. Þessi 34 ára varnarmaður getur bætt met Charlton í úrslitaleik Meistaradeildarinnar sem verður gegn Chelsea 21. maí.

„Ef ég ætti að velja einhvern til að slá metið þá yrði hann fyrir valinu," sagði Charlton. „Hann er frábær íþróttamaður, mögnuð persóna og frábær fótboltamaður. Enginn á meira skilið að slá svona met."

„Þú þarft að vera hérna lengi til að skilja félagið og tilfinningarnar sem hér ríkja. Ferill hans með United er ótrúlegur og ég er verulega stoltur af honum. Ég hef gleymt mínu meti nú þegar," sagði Charlton.

Ferill Charlton á Old Trafford hófst í október 1956 og lauk þegar hann yfirgaf félagið 1973. Þessi sjötuga goðsögn fagnaði með Giggs og öðrum leikmönnum á JJB vellinum í gær en hann er í dag í stjórn United.

Magnað hvað menn eru að kúka á sig, að lesa DV sport síðurnar er snilld, hver vitleysan á eftir annari og alveg fáránlegar á stundum.

Ekki að ég sé góður í stafsetningu enda vinn ég ekki á prentmiðli, er ekki eitthvað til sem heitir prófarkalestur ?

Vel heppnað gigg Akureyri

Nú brá ég undir mig betri fætinum og brunaði á Akureyri um helgina og spilaði í Sjallanum ásamt Haffa Haff og Merzedez Club.

Eva gaf ekki kost á sér í liðið í þennan túr svo ég leitaði til þeirrar næst bestu: Ingu Danz en hún hefur dansað með Allstars genginu í 2-3 ár og rifið í míkrófón þegar stuðið hefur borið hana ofurliði.

Dagskráin var flott Dj Dodd hóf leikinn. svo kom Ingan á svið með mér og við tókum baneitrað sett og það var ekki erfitt fyrir Haffa Haff að koma á svið eftir það enda eru öll hús við suðumark eftir að kallinn kemur fram, þá komu Merc sterarnir og svo fór maður aftur á dj græjurnar og sýndi hvernig á að spila geisladiska fyrir fólk!

Það er eitt sem kom mér skemmtilega á óvart á æfingu, rólega útgáfan af nýja laginu þeirra (sem ég man ekki hvað heitir)

Þar eru Gillz og Rebekka bara 2 á sviðinu og flytja alveg stórkostlega útgáfu þessu lagi sem Gillz útsetti víst fyrir skírnarveislu hjá systur sinni. það var líka gaman að sjá hann taka piano man (Billy Joel) í Techno útgáfu og syngja það sjálfur, og nota bara þetta hljómborð eða synthazæza.

M.C. frumfluttu nýtt lag , Bass Cop, sem er án efa það harðasta sem þau hafa gert og munu gera og fór það ansi vel í gesti, ég að vísu sá ekki flutning þeirra þar sem ég þarf góðan hálftíma til að blása eins og hvalurinn sem ég er eftir að hoppa í 25 min í mínu magnaða setti, gamall feitur maður og techno tónlist er kannski ekki rétta combóið en hey ég er að reyna að hætta, gjim mía breik

Léttir

Jæja þá landaðist þessi blessaði titill í gær, þarna sat maður á Allanum á Akureyri í rafmögnuðu andrúmslofti og hitastigið c.a. 60 gráður.

Ég hef aldrei verið hrifin af því að horfa á svona leiki á öldurhúsum, mikill hiti , hávaði og margir hverjir blindfullir og hvað er þetta að klappa fyrir sjónvarpinu trekk í trekk???

Ég sé lítið að því að fagna þegar þitt lið skorar en þetta pakk er klappandi fyrir öllu... fáránlegt.

Þar  sem þetta hefði getað brugðið til beggja vona þá var maður vissulega stressaður, þá sérstaklega eftir að Chel$ komst yfir.

Þegar Giggs kom inn á og skoraði þetta mark í þessum merkilega leik hans þá var það komið og var vissulega sætt.

En þegar maður heldur með svona góðu liði þá er gleðin rosalega fljót að breytast í létti, 10 titlar á 15-16 árum er ansi gott.

Það hefur örugglega verið magnað að vera Chel$ maður þegar þeir unnu titilinn í fyrsta skipti í 50 ár og með besta Íslenska leikmann sögunar innanborðs, það var örugglega rosalega gaman að vera Leddsari fyrir tæpum 20 árum eða Blackburn maður nokkrum árum seinna.

Málið er bara að svona sigurhefð kemst upp í vana og rosaleg gleði breytist í létti, það er möguleiki að Arsenal aðdáendur þekki þetta pínulítið þar sem þeir hafa unnið slatta líka síðustu 20 árin.

Maður þekkir þetta líka úr körfunni, Njarðvík voru áskrifendur að þessum titlum in the 90´s það er aðeins farið að draga úr því þar og ekki von á titlum næstu árin enda mun ég verða mjög glaður þegar Njarðvík vinnur eitthvað næst.

Það er ekkert útlit að maður sé að fara vinna sér inn einhver gleði stig hjá Man Utd. liðið er það vel skipað að það verður að vinna þessa titla næstu árin.

En ég skal glaður viðurkenna það að ég verð hyper glaður ef við klárum þessa meistaradeild, þá deild eru Man U ekkert allt of duglegir að vinna.

Þá er stöðin lox fundin!!

Eftir að hafa langt og strangt að útvarpsstöð til að hlusta á í vinnunni (vinn við tölvu og þarf ekki að nota eyrun nema 70% svona dags daglega.

HEf mikið verið að hlusta á BBC bæði skemmtiþætti eins og Steven Merhcant og Jonathan Ross show og einnig eru frábærir heimildarþættir sem eru virkilega vel unnir.

Bara þegar maður hlustar á mikið og áhugavert tal þá missir maður einbeitingu á því sem maður á að vera að gera

En stöðin er fundin, þá sérstaklega fyrir gamalmenni eins og mig: http://newwave80.europe2rock.fr/# Frábær 80´s tónlist og ekkert af leiðinlega stöffinu með!

Ný-rómantík eins og hún gerist best Ultravox, Depeche Mode, Joy Division, New Order, Pet Shop bara allt sem var skemmtilegt á þessum tíma.

Svo er þessi líka solid: http://uk80.virginradio.fr/# Þessi stöð er meira indie pop rock: Smihts, Simple Minds, Clash....

Ég er að vísu á fyrsta degi með báðar þessar stöðvar, hvur veit nema að þær eigi bara 50 lög og byrjun svo upp á nýtt, hef brennt mig á því áður.

En allavega tékkidd!

 

Jæja þá er það klárt!

Það er þá opinbert: Litla Hafmeyjan fer í loftið 6. júni búið að ganga frá öllu nema þá tæknilega hlutanum og ég efa að Rásin klári það ekki á núll einni.

Litla Hafmeyjan er eða verður (eins og fram kemur neðar á síðunni) útvarpsþáttur á Rás 2.

Hann verður á föstufagskvöldum og hefst klukkan 19:30 og stendur til 22:00

Það verða ég, Doddi, og Andri Freyr sem stjórna þættinum. Andri mun tala frá Kongens Köbenhavn.

Ég mun fara nánar í smá atriði og jafnvel lauma einhverjum treilerum á síðuna þegar nær dregur.

 

Gott hjá þeim!

Ég er sáttur við Íslenska tónlistarmenn sem hafa nennu, vit og áhuga á því að græða smá á plötum sínum.

Það hafa náttúrulega margir gert þetta í gegnum tíðina en oftast listamenn sem hvergi neinn til að gefa sig út og eru ekkert endilega með söluvöru í höndunum.

Páll Óskar hefur gert þetta í gegnum tíðina og gekk heldur betur upp í fyrra, væntanlega sá listamaður sem hefur grætt mest á sinni afurð jafnvel frá upphafi.

Sena hefur einokað markaðinn og hafa átt allar þær pötur sem eitthvað hafa selst nema nokkrar álfaplötur Smekkleysu og einstaka 12 Tónaplötur t.d. Eivör.

En þvílík plata sem júróbandið er að bjóða uppá, gömul júróvision lög, lögin sem Friðrik og Regina töpuðu með sem er náttúrulega til á plötum og júróvision lagið í mörgum útgáfum.....

Þessi diskur verður fastur í í tæki næstu 4 árin!!!

 

 

 

 

 

 

Eurobandið gefur sjálft út skífu

Ég sendi þessa tilkynningu á visi.is, spurning hvort þessu verður hent á vefinn?

Í gær, 5. maí spurðist það út að ég, Doddi litli, hafi hugsað mér að taka tjútt.
því miður er það ekki rétt, í  fyrsta lagi verð ég ekki í bænum um helgina og í annan stað þá er bara brjálað að gera.
Ég kem til með að plötusnúða fyrir Merzedez Klúbbinn í Sjallanum Akureyri á laugardeginum og jafnvel á Selfossi á sunnudeginum.
Ég hef komið víða við á ferli mínum og næsta hálfa árið mun ég litast um eftir tækifærum og einbeita mér að því að finna yfirgripsmikilli reynslu minni jákvæðan og uppbyggilegan farveg.
Ég vil þakka visi.is kærlega fyrir að koma þessu á framfæri.

 Virðingarfyllst.
Doddi litli Doddason

 

 

http://visir.is/article/20080506/LIFID01/204054930

ÚÚÚÚÚFFFFF!!!! ég var orðinn ansi stressaður

Gott fólk, við erum seif!

Guðjón Bergmann er ekki, endurtek EKKI að flytja úr landi, ég er einmitt búinn að vera að pirrast yfir þessu síðustu mánuði.

Hvað hefði maður gert ef hann hefði tekið upp á því að flytja út??? vil ekki huxxa þá huxun til enda!

Eins og flest allir  vita þá átti hann eina mest seldu íslensku sjálfshjálpar bókina síðasta haust eins og fram kom í auglýsingum.

Það segir okkur ansi mikið um hversu frábær þessi maður er, eina mest seldu... íslensku... sjálfshjálpar ... í haust !!!!!

Hvað komu út margar íslenskar sjálfshjálpar bækur út þetta haust ?? 

Þessa auglýsingu sá maður milljón sinnum síðustu jól í sjónvarpinu....

Magnaður drengur!

Ég tók eitt sinn viðtal við hann í útvarpinu, hann var svo óstjórnlega leiðinlegur að ég sagði bara: Guðjón, ég nenni ekki að tala við þig vinur, u are the weakest link, goodbye! 

Sko Pallann....

Það má segja margt misjafnt um þessa útvarpsstöð Fm 957 en stöðin kann að gera gott party.

Ég mætti þarna í Háskólabíoið aðalega vegna þess að dóttir mín hefur svo rosalega gaman af Haffa Haff og auðvitað Palla.

Ég verð bara að viðurkenna að mér leiddist ekkert, hafði meira að segja svolítið gaman af á köflum!

Gaman líka að sjá hvað danstónlistin á stóran hluta af þessari hátíð í dag, fyrir nokkrum árum var feitur sköllóttur maður með aflitað skegg sá eini sem tróð upp með dans atriði.

Þetta lýsir svolítið markaðnum í dag, sveitiballasveitir heyra brátt sögunni til, rokkið á í miklum vandræðum og mis-merkilegir söngvarar slá í gegn galandi yfir mis-merkileg bít (vissulega á ég stóra sök í því)

Málið er bara að mér finnst það mun skárra en þetta svitaballa væl og þetta R&B sem hefur tröllriðið öllu síðustu ár.

Opnunar atriðið var fínt og rosalega lýsandi fyrir þessa útvarpsstöð, þeir spila helst ekki Íslenskt og á hátíð sem er að heiðra Íslenska tónlist ætti stöðin að halda sig við Íslenska tónlist ekki satt?

Til hamingju Páll Óskar með sweepið.... það er bara eitt sem ég verð að skjóta að Palla og hans fólki, hann er frábær söngvari og fínn sviðsmaður en það er algjör undantekning ef maður heyrir tónlistina þegar hann treður upp, heyrir vel hans frábæru rödd en playbackið er afskaplega dauft undir og gerir performasinn alls ekkert skemmtilegan..... 

Páll Óskar tilnefndur til 5 verðlauna og hlaut þau öll

Litla Hafmeyjan?

Eitthvað hefur verið rætt um mögulegan útvarpsþátt okkar Andra Freys á Rás 2.

Mig langar bara að benda á að allt er á frumstigi, við höfum ekkert rætt við dagskrástjóra Rásarinnar um launamál eða hvernig þetta mun gerast tæknilega.

Andri jú sendi út frá Danmörku í fyrra og var ég með honum í einhverjar 3 vikur og var það bara ansi fínt.

En það er ansi grunnt á gæðunum, hann átti það til að detta út, heyra ekkert í mér eða heyra ekkert í símanum og sá sem var í símanum heyrði ekkert í honum.

En stóri munurinn er sá að í fyrra vorum við á smá stöðinni Reykjavík FM þar sem engir peningar voru til að gera nokkurn skapaðan hlut, núna erum við að tala um Rás 2, ef ég man rétt þá eru um 60 tæknimenn á launum þar svo einhver ætti að leysa þessa þraut.

Ég mun að sjálfsögðu koma því áleiðis ef samningar nást en það er engin ástæða til að vera með safaríka yfirlýsingar ef ekkert svo gerist, hoppa byssuna.