LOVE GURU VARÚÐ VARÚÐ !!!!!!!!!!!!!!!!!!!

 

Ég komst yfir eintak af nýjustu mynd Mike Mayers, Love Guru, og ætlaði heldur betur að halla mér aftur og horfa á nafna minn fara á kostum.

Jesús Kristur og allir hans lærisveinar.... þetta er svaaakalega viðbjóður!

þetta er greinilega erfitt nafn að bera, þekki af biturri reynslu.

Skemmst er frá að segja að ég gafst upp á myndinni eftir stuttan tíma því þetta var alveg eins og Austin Powers með nýja hárkollu og betri tennur, allir taktarnir, allir brandararnir búnir að koma í blóðmjólkuðum Powers.

Ég ákvað að spóla aðeins áfram þar sem ég var búinn að sjá Justin Timberlake eiga stór(lake) í trailernum fyrir myndina... og fann... og jú ... það var gaman í 30 sec. svo var það búið.

Eddie Murphy fær hræðilega dóma fyrir mynd sína Meet Dave, ég segi hittið þennan Dave mun frekar en þennan Love Guru.

Mike Mayers má fara að snúa sér að öðru....

Einkunn: -100  af 5 stjörnum mögulegum.

 

PS. ég að vísu gafst upp á myndinni en horfði á nokkra búta hér og þar og kannski hitti ég bara á leiðinlegu bútana.

En ég ætla ekki að taka sénsinn á að það sé einhversstaðar brandari þarna!

Love Guru... blessuð sé minning hans

Geir Ólafs og Powerballad þema á föstudaginn... Deja-vu?

Það verður "stuð stuð stuð er ég reyni við hana á balli" aðeins að vitna í skáldið...

Powerballöðu þema í Litlu Hafmeyjunni á föstudagskvöldið: Whitesnake, White Lion, Foreigner, Scorpions, Nazaret og allar þessar hárbanda sveitir fá sinn skerf af þættinum.

Geir Ólafs verður aðal gestur og segir okkur hver sé hans Sakbitna sæla og hvaða lag komi honum í gang á föstudagskvöldi.

Að sjálfsögðu kemur hann og tekur lagið af væntanlegri plötu sinni.

Party einvígið verður með sérstöku sniði í tilefni þema kvöldsins og Stafaleikfimin verður al Íslensk í þetta sinn, hefur einhver eitthvað í Óskar Pétur sem hefur sigrað þrisvar!

Skellum okkur í spandexinn og hlýrabolinn og görgum okkur hás á föstudaginn, Litla Hafmeyjan í boða Iceland Express!

D

Sá besti hingað til, Þorgrímur Þráins gestur og endalaust stuð í Hafmeyjunni

 

 Það er óhætt að segja að þátturinn á föstudaginn hafi verið skemmtilegasti þátturinn hingað til! Gesturinn, Þorgrímur Þráinsson var eins og við var að búast frábær!

Við fengum að heyra hvað hann hefur verið að gera upp á síðkastið, kvikmyndahandritið, bækurnar, þjálfunin og allt sem Toggi hefur verið að gera.

Kom fram í þessu spjalli að Andri og Þorgrímur ætla að vinna kvikmyndina saman og jafnvel að Hafmeyjan og Togginn ætla að hlaða í lag saman, fylgist með!

Nýtt Hafmeyjulag var frumflutt þar sem sérstakur gestur var 7berg en við einmitt ræddum við "shabba" um væntanlega plötu hans.

Eitt rosalegasta Party Einvígi sem um getur fór fram og sigraði Doddi með naumindum.

Við mælum eindregið með því að þú smellir á linkinn hér fyrir neðan, hlustir og hafir gaman af, í festival fíling!

Við viljum benda fólki á næsta þátt en þá verður kraftballöðu þema (power ballads) svo það væri tilvalið að safna í tagl og þurrka mesta rykið ag leðurbuxunum því það verður rokkað, sungið og gólað.

http://dagskra.ruv.is/streaming/ras2/?file=4410264

 

11.07.2008

 

1. I  Ran (So Far Away)     Flock of Seagulls
2. Spooky     Dusty_Springfield

Heitipotturinn

1. Just Getting Started   Dikta
2. In the New Year     The Walkmen
3. Sandpappír    7berg

3. Rock with you    Michael Jackson

Hafmeyjan Syngur
4. Roget pa Ströget    Litla Hafmeyjan Ft. 7berg

5. Head Over Heels    Tears for Fears

Sakbitin sæla Þorgríms Þráins
6. Ástin Mín     Hera

Lagið sem kemur Þorgrími í stuð á föstudegi
7. Feel    Robbie Williams

8. Hey Good Lookin   Hank Williams
9. Think About     Lyn Collins

Party Einvígi

Fyrsta lota Old School

Doddi Land Of 1000 Dances     Wilson Pickett 
Andri Roadhouse blues    The Doors

 Önnur lota Sakbirin Sæla

Andri (Ive had) The time of my life      Billy Medley - Jennifer Warnes
Doddi Alveg hamstola      Sálin hans Jóns míns

Þriðja lota Nýtt eða nýlegt

Doddi Maachete     DJ Hazard
Andri Blazer     Lotterboys

 

Vegna tímaleysis voru aðeins teknir 3 hlustendur inn, Doddi sigarði 2-1

Tár Bros og Rómantík á Föstudaginn

Það verður meistari Þorgrímur Þráinsson sem verður gestur þáttarins á föstudaginn.

Drengurinn er án efa rómantískasti maður Íslandssögunar og allt of kynþokkafullur!

Það verður gaman að sjá hvaða lag kveikir í honum á föstudagskvöldi og hver sé hans Sakbitna sæla.

Nýtt lag Litlu Hafmeyjunnar verður frumflutt, lag sem Doddi samdi og Andri þarf að gera texta og laglínu yfir (hver man ekki eftir Sultutíð).

Lagið verður flutt á tveimur stöðum, tónlistin kemur frá Íslandi en söngurinn frá Danmörku!!!!!

Endalaus radio moment í Hafmeyjunni.

Það verður Party einvígi (keppt í hver nær að skapa meira party, 3 lotur og hlustendur velja sigurvegara).

Stafaleikfimi, sögur af Hróaskeldu og hellingur af gleði, tómt rugl að missa af Meyjunni!

 

 

Ekki það að ég sé mikill Drumm og Bass maður

En mikið svakalega er þetta velheppnað remix!!!

Adele - Hometown Glory (High Contrast Remix)

og við reynum aftur, þetta er vel þess virði að hlusta á, sándið ekki jafn gott á þessu og síðustu tilraun.

Litla Hafmeyjan á Hróaskeldu

 

Hróarskelduhátíðin verður í lykilhlutverki í þættinum á föstudaginn.

Gaman verður að heyra hvort tæknin verði í okkar liði....

Andri Freyr sendir út frá hátíðinni, tónlistin verður mest öll frá hljómsveitum sem koma fram í ár og að sjálfsögðu fer Helgarplanið í að kenna fólki hvernig á að haga sér á útihátíðum.

Við hringjum í Dr. Gunna sem kemur fram á Humarhátíðinni á Höfn sama kvöld en hann er einnig þaulreyndur „tónlistarhátíðarfari", þá mun hann leyfa okkur að heyra hvað hann hlustar á þegar enginn annar heyrir = Sakbitin sæla.

Við skellum okkur í dagskráliði sem við höfum gleymt síðustu vikur, t.d. Heita pottinn (ný tónlist skoðuð)lögin sem verða skoðuð: Common - Universal Mind Control, cage the elephant - aint to rest for the wicked (wicked devil remix), Beck - GammaRay, Þjóðarpúlsinn (hlustendur tjá sig), 10 á 10 (10 party lög á 10 mínútum) ofl.

Tónlistin verður þyngri en venjulega: Slayer, Judas Priest, My Bloody Valentine koma til með að heyrast enda allar þessar sveitir á Skeldunni.

VIð ætlum að spila lag af merkilegustu plötu sögunar, óútgefinni plötu Guns and Roses C.D. en stór hluti plötunnar lak á netið fyrir skemmstu og menn missáttir við afraksturinn en engin eins sáttur og Andri!

Þeir sem komast ekki á Skelduna ættu að hjúfra sig að einhverjum nákomnum og láta sér líða vel við viðtækið, föstudagskvöldið frá hálf 8 til 10.

D

 

Flott Sigurrós, léleg Björk!!!

Nú er ég einigin umhverfarverndarsinni en ég hef gaman af tónlist! Reyndi að komast inn á beina ´´útsendingu fyrr í dag en þá var ekkert að gerast á mbl, svo koma það í ljós að mbl voru að bíða eftir listamönnunum (semsagt sleppa við Ólöfu Arnalds). Kom frekar snemma inn í Sigurrós og verð að viðurkenna mér fannst þeir frábærir!!!! TIl hamingju Ísland, við eigum eitt besta live band samtímans. Skal glaður viðurkenna að ég var með tár í augum á köflum þegar ég var að horfa á Rósina og hvað þessir drengir eru þéttir....... úffff það hálfa væri hellingur. Ofan á alltsaman sem SigurRós var að gera þá voru þeir með spari útgáfuna í gangi, Amina og brassgengi á heimsmælikvarða. Sigurrós var frábær! Svo kemur Björk "okkar" Guð og runkar sér í leiðinlega efninu sínu fyrir framan 30 þús mans, ég hef alla tíð haft gaman af Björkinni en ekki í kvöld! Möguleikinn að óskabarn Ísland þóknaðist þjóðinni var náttúrulega aldrei fyrir hendi þar sem hún er svo spes. Ekkert af Debut, 1-2 lög af Post og svo var hún komin í ruglið..... Ég skal glaður viðurkenna að hún sé langnæstbesta söngkona í heimi á eftir Liz Frazer en..... mér fannst hún ömurleg í kvöld. Mér finnst allt í lagi að fólk taki smelli á svona tónleikum! Vil hrós mbl.is fyrir frábæra útsendingu og bjarga því að ég gæti hangið heima á Súpermanbrókunum og þurfa ekki að hjóla eða labba eða álíka helvítis erfiði!!!!! Áfram náttúra!

 

 

30 þúsund manns á tónleikum

Bein útsending my ass

Það eina sem hægt er að heyra þarna er "snilldin" frá Ólöfu Einars, ég þarf ekkert að heyra það!

Fjölmenni í Laugardalnum

Tæknimmeyjan með betra móti í gær

Það gékk mikið á hjá Hafmeyjunni í síðasta þætti, eftir 10 ár bak við tækniborð leit Doddi út eins og nýliði í tæknimálum.

Allt fór úrskeiðis: síminn, tölvan og svo misstum við samband við Andra um miðbik þáttar og þurftum að tala við hann í síma það sem eftir var ... en það magnaða var, þátturinn var frábær!

Eva Maria sagði okkur frá 30 afmælishátíð samtakanna 78 í Hafnarhúsinu..... loxins þegar það heyrðist í henni.

Pétur Jóhann Sigfússon kom síðan í heimsókn og lét, heldur betur, gammin geisa!

Hann sagði okkur að hann hefði fundið ástina og væri að gera upp tjaldvagn og .... og .... restin var eiginlega í ruglinu, jú hann "skúbbaði" hlutum úr Dagvaktinni.

Sakbitin sæla Péturs er: Sexy Back - Justin Timb. en að vísu misskildi hann sæluna aðeins því hann skammaðist sín ekkert fyrir lagið.

Lagið sem kom honum í fíling á föstudagskvöldi var: Come To Me - DMX Krew.

Að endingu var farið í Party einvígi: Keppt í party tónlist og hlustendur hringdu inn eftir einvígið og gáfu stig, þeim sem hristi betur upp í mannskap.

Það eru 3 lotur í einvíginu: Gamallt, Sakbitin sæla og nýtt eða nýlegt, eitthvað sem fólk þekkir ekki.

Svona fór einvígið fram:

Old school lotan.

Doddi- Viva Las Vegas - Elvis

Andri - I´m your Pusher man - Curtis mayfield

Önnur lota, Sakbitin sæla (guilty Plesure)

Andri- Adamski ft. Seal - Killer

Doddi - Blaze - Heya

Þriðja lota, nýtt eða nýlegt, eitthvað sem fáir hafa heyrt

Doddi - Mars - Fake Blood

Andri - That Girl Suicide - Brian Jonestown Massacre

Keppnin var æsispennandi og endaði með sigri Dodda 5-4.

Það er lítið vitað hvernig þátturinn verður næsta föstudag, Andri verður staddur á Hróaskeldu hátíðinni svo annað hvort verður hann í aðsetra Óla Palla með einhverja ótrúlega fræga kalla í spjalli eða að hann verði bara á vappi í drullunni með símann og ræðir málin.

Vonum það besta, þangað til næst....

Mæli með því að fólk smelli hér fyrir neðan, sér til hlustunar þá sérstaklega eftir fyrsta hálgtímann þar sem ég var vel í ruglinu.

Hlusta á þáttinn

Litla Hafmeyjan 27. júní

Pétur gerir gott "combakk" í útvarpið. Eins og margir ættu að vita, þá sló hann í gegn fyrir 7-8 árum, með útvarpsþáttinn Ding Dong. Munum við slikka saman brot af útvarpsferli stráksa og spila lag sem hann söng inn á plötu fyrir nokkrum árum (ekki láta það framhjá ykkur fara).

Pétur spilar fyrir okkur lagið sem kemur honum í gír á föstudagskvöldi og einnig lagið sem hann hefur gaman af en er ekkert að segja öðrum að hann hafi gaman af (sakbitin sæla).

Stafaleikfimi verður á sínum stað og spurning hvort einhver nái að slá út Óskar Pétur sem hefur unnið keppnina hingað til.

Hafmeyjan syngur verður vonandi á sínum stað, ef Doddi næra að klöngra saman lagi fyrir föstudagskvöldið.

Alls ekki missa af party einvígi nr. 2 með eilítið nýjum áherslum.

Þjóðarpúls, Helgarplan, sitt lítið af hverju og að sjálfsögðu frábær föstudagstónlist til að kitla gleðina....